marketing para proyectos culturales- Amaia Ocerin

Nola egin marketin-kanpaina bat kultura-proiektu baterako

Kultur proiektu baten marketin-kanpaina egiteko, funtsezko faktore batzuk daude. Hemen azalduko dizkizut. Zer hartu behar duzun kontuan, eta nola egin behar duzun.

1983an, Golpes Bajo gazte-gazte batzuek (Milenialak ez galdu hau) “Malos tiempos para la lírica” delako hura kantatzen zuten, Bertolt Brechten poema bat egokituz. Ez zitzaien arrazoirik falta, ez alemaniarrari poema idatzi zuenean, ez viguesarrei beraien bertsioa egin zutenean.

Orain antzeko momentu batean gaude, esango nuke. Inoiz baino gehiago, eta ez dakit hori posiblea den, garai txarrak dira; txarragoak oraindik lirikarako.

Gaur egun kulturara dedikatzea zirraragarria bezain ausartada, kontzientea, gizartearekiko arduratsua eta militantea. Eta, kasu askotan, sufritzera kondenatuta egongo zara. Asko.

Kultur proiektu bat aurrera ateratzea prozesu gogorra da. Inoiz amaitzen ez den lan nekeza.

Egiten baduzu, benetan gustatzen zaizulako da, mundu hobe batean sinesten duzulako, eta pentsatzen duzulako gizarteari zerbitzu bat eskaintzen diozula. Nik horrela ikusten dut.

Beraz, erronka handi bat agertzen zaizu: zure kultura-proiektuak laguntza, finantzaketa, babesa eta abar eman diezazkieketenen eta onuradun izango direnen arreta piztea.

Nola egin kultur proiektu baterako marketin-kanpaina? Hemen aztertuko ditut kontuan hartu beharreko faktoreak.

Erronka handia: marketina

Proposamen artistiko eta/edo sortzailetik haratago, kultur proiektuen erronka erakarpena da. Audientziaren eta baliabideen arreta erakartzea. Beraz, laburbilduz, marketina egin behar dute.

Hori lortzeko, gaur inoiz baino gehiago, hainbat estrategia hartu behar dira kontuan.

kultur proiektuetarako marketin estrategiak

Ikus ditzagun estrategia horietako batzuk, zure proiektuetarako egokitu ditzakezunak.

Zure proiektua produktu bat da

Onartu behar dut kultur profesional (eta batez ere sortzaile) batzuekin honi buruz hitz egiten dudanean, oraindik ere arraro begiratzen nautela.

Baietz, argi eta garbi ados nagoela, eta defendatzen dut kultura-proiektuek eta sormen-prozesuak asko dutela abstrakziotik, gai praktikoen gainetik egotetik, interpretatzetik, mugak haustetik eta esploratzetik.

Guzti honek konnotazio erromantikoak ditu

Baina kontuan izan behar duzu proiektua publiko bati zuzendutako produktua dela edo bihurtu behar dela. Zuk merkaturatzen duzun proposamen hori kontsumituko duen publikoa.

Beraz, has zaitez produktu modura ikusten. Behar bati erantzuten dion edo merkatu horretarako eskaintza den produktua.

Baldintza horien arabera baloratzen hasten zarenean, ekoizpena, finantzaketa eta abar hartu ahal izango dituzu kontuan.

Zure publikoa ezagutu behar duzu

Merkatura publiko mota jakin batentzat eskaintzen den produktu bat dela esan badugu, ezer egin aurretik, zein publikorengana jotzen duzun jakin behar duzu.

Zure publikoa ezagutzeak lagunduko dizu hura erakartzeko zer ekintza garatu behar dituzun zehazten.

Zure proiektuko buyer pertsona definitzeko ariketa egiteak lagunduko dizu.

Ahalik eta galdera gehienentzako erantzuna izaten saiatu beharko duzu, hala nola: nor da? Zein adinetakoa? Maila soziala eta ikasketetakoa? Sexua? Zer gustatzen zaio? Zer egiten du? Non eskuratzen du zure produktua?

Eta abar luze bat. Definitu puntu honi buruz ahal duzun guztia. Hori erabakigarria da.

Aztertu non mugitzen den zure audientzia eta nola informatzen den kultura-proposamenei buruz.

Zure proiektuari zabalkundea eman nahi badiozu eta zure entzuleek horren berri izan dezaten lortu nahi baduzu, jakin beharko duzu non mugitzen diren, nola kontsumitzen duten, eta nola informatu eta enteratzen diren eta kultura-proposamenei buruz.

Ziur aski, ez duzu aurrekonturik soberan kanal guztietan egon ahal izateko; beraz, selektiboa izan behar duzu, baina, aldi berean, hedapenaren plangintza ahalik eta eraginkorrena egin behar duzu.

Laburbilduz, zukua atera euro eta aukera bakoitzari.

Beraz, denbora hartu alderdi hori ezagutzeko, ikertzeko eta galdetzeko.

Zorionez, sare sozialak aprobetxa dezakezun kanal merkea dira, eta oso lagungarriak izan daitezke. Baina kasu honetan ere ikertu egin behar duzu, zure publikoa zein plataformatan dagoen jakiteko.

Definitu zure produktuaren balio diferentziala

Zure proiektu kulturalaren bidez arrakasta lortzeko eta zure ikusleengana iristeko gakoetako bat da ondo definitzea zein den haren balio bereizgarria. Zerk egiten duen desberdina mota bereko gainerako proiektuekiko, zergatik nabarmentzen den.

Zure proiektuak definituko duten ezaugarri propioak izan behar ditu, identitate bat emango diotenak.

Eta behin definituta, identitate hori esparru guztietara zabalduko da.

Alderdiak askotarikoak eta oso desberdinak izan daitezke.

Adibidez, bakar batzuk aipatuz: ekitaldi bat egiten den leku berezia, parte hartzen duten sortzaileak, egilea nor den, publikoari emandako tratua, merkea/garestia izatea, beste inork egiten ez duen gai edo alderdi bat tratatzea, komunikazioak zehaztapen zehatzen bat egitea…

Aukerak asko dira. Burua estutu beharko duzu zure produktua nola bereiztea nahi duzun pentsatzeko eta definitzeko, zerbait zehatza, argi eta garbi identifikatu daitekeena ikusleen, babesleen, erakundeen eta abarren buruan.

Hori funtsezkoa da salmenta- eta komunikazio-estrategia garatzeko, baita ekoizpenerako, finantzaketarako, babesletzarako eta abarretarako laguntza bilatzeko unean ere.

Zure konpenetzia ezagutu

Identifikatu zure maila bereko enpresen edo antzeko proiektuen ezaugarriak, eta beraiekiko dituzun abantailak ere. Emaiozu balio erantsia zure proposamenari.

Aliatuak bilatu

Garai honetan, inoiz baino gehiago, aliantzak bilatu behar dira zure proposamen artistikoarekin bat datozen proiektu, enpresa, marka eta abarrekin.

Biek irabazi dezakezue, proiektuak dituen baloreak alineatzerakoan.

Hemen giltzarria izango da nola aurkezten eta saltzen duzun. Jar zaitez haren azalean eta pentsa ezazu zer onura dakarzun marka horrek.

Bonus track

Ezin nuen artikulu hau amaitu Golpes Bajos zuzenean ikusteko proposamena egin barik.

Germán Coppini, Teo Cardalda and companyrekin utziko zaitut.

Partekatuko duzu?

Share on facebook
Share on google
Share on twitter
Share on linkedin
Share on pinterest
Share on print
Share on email
Crea una estrategia efectiva para redes sociales en sólo 7 pasos - Amaia Ocerin

Blogean harpidetu zaitez eta nire ebook-a opari bezala jasoko duzu 

Zure markaren sare sozialetarako estrategia nola garatu ikas ezazu 

SORTU SARE SOZIALETARAKO

ESTRATEGIA ERAGINKOR BAT

7 URRATSETAN

Arduraduna: Amaia Ocerin
Helburua: Nire zerbitzuen gaineko gaineko informazioa ematea erabiltzaile bakoitzaren beharren arabera; edukiak helarazi eta hirugarrenen informazioak zabaldu.
Legitimazioa: Egokitzen zaien pertsonen baimena
Hartzaileak: Webgunea ostatatu EBko herrialde batean
Eskubideak: Iristea, zuzentzea edo ezabatzea
Informazio gehigarria: Informazio hau  hemen osatu ahal duzu

razones por las que tener un blog
Eduki marketina

Blog bat izateko sei arrazoi

Interneten komunikatzeko kanalak soberan daudela eta blogak zaharkitutako baliabidea direla dirudi garai honetan. Baina nik defendatzen dut blogak gaur egun izan dezakezun tresnarik onena direla zure publikoari balioa emateko, konfiantza sortzeko eta zure merkatuan kokatzeko.
Blog bat izateko sei arrazoi nagusi daude:

Irakurtzen jarraitu »

Suscríbete al blog y recibe mi ebook de regalo

Aprende cómo crear una estrategia para tu marca

CREA UNA

ESTRATEGIA EFECTIVA

PARA REDES SOCIALES

EN SÓLO 7 PASOS

Información básica sobre la política de privacidad
Responsable: Amaia Ocerin
Finalidad: ​gestionar el alta a esta suscripción y remitir boletines periódicos con información y oferta prospectiva de productos o servicios propios y de terceros afiliados.
Legitimación: Consentimiento del interesado/a
Destinatarios: Hosting de la web en país de la UE
Derechos: Acceso, rectificación o cancelación
Información adicional: Puedes completar esta información en la página de política de privacidad.