comunicar en tiempos de crisis - Amaia Ocerin

Nola eta zer komunikatu krisi-garaian

COVID-19 bezalako krisi baten garaian komunikatzea ez da erraza. Marka gehienek ez dute berri onik emango. Baina oso garrantzitsua da komunikatzea. Hona hemen garai zail honetan ondo komunikatzeko aholku batzuk.

Krisi larri batean gaude, koronabirusaren garaian. Garai txarrak iritsi dira guztiontzat. Krisi humanoa, sanitarioa, soziala eta, ondorioz, ekonomikoa pairatzen dugu.

Ziurgabetasun, zalantza eta desorientazio handiko garaiak dira. Ez dakigu zer etorriko den, baina ikusten dugu hortik asko ez dela ona izango. Zoritxar handia dugu gainean eta pertsonak asko sufritzen ari gara.

Sektore askotako enpresek krisi larria bizi dute. Erabaki gogorrak hartzera behartuta egongo dira eta jarrera hartu beharko dute.

Zelan jokatu egoera honen aurrean? Nola eta zer komunikatu korporazio mailan? Ekonomia arriskuan dago. Baina ez hori bakarrik: enpresa eta markek ez badute komunikazioa ondo enfokatzen, erreputazio krisia ere sufrituko dute.

Eta horietako asko ez dira errekuperatuko. Ondorioak suntsitzaileak izango dira. Izan ere, ez die beren jarduerari eta langileei bakarrik eragingo; inbertitzaileak, hornitzaileak, laguntzaileak eta abar ere ez dira berriz fidatuko.

Markek komunikatu behar dute ziurgabetasun garaietan?

Erantzuna baietz da; inoiz baino beharrezkoagoa da.

Zelan egin? Hemen aholku batzuk

Ezeren gainetik, pertsonak gara

Pertsonak gara sufritzen ari garenak, eta komunikatuko dutenak ere bai. Igorleak eta hartzaileak gaizki egongo dira. Ez da ezer gertatzen gizaki gisa agertzeagatik; horrelako egoeretan ez bagara garen bezala agertzen, noiz egingo dugu?

Bozeramaile bat aukeratu

Aurreikusten bada komunikazioak fase desberdinak izango dituela eta, beraz, mezu-kadentzia bat egongo dela, garrantzitsua da pertsona bat aukeratzea bozeramaile gisa jardun dezan.

Hala, erreferentziako jaulkitzailea izango da. Eta informazioaren hartzaileak beren komunikatzeko moduari, hizkuntzari eta abarri egokituko zaizkie.

Gertatzen dena komunikatzen hasi

Enpresa bat ezin da isilik egon horrelako arazo bat sortzen denean. Bere stakeholdersak momentu oro jakin behar dute zein den markaren posizionamendua.

Stakeholder-ak enpresa baten funtzionamenduan parte hartzen duten eragileak dira: langileak, hornitzaileak eta bezeroak.

Nola egin galderei erantzunik ematen ez zaienean? Zaila da, baina erantzunak eman behar dira komunikazio arin eta azkar baten bidez. Gertatzen diren heinean, aukerak, ideiak, ebazpenak… komunikatzea da helburua.

Ezin zaio dagoeneko mesfidantzaz pairatzen ari garen egoerari beste arazo bat gehitu.

Beharrezkoa da enplegatuei eta laguntzaileei egoeraren berri ematea eta, ahal den neurrian, egingo diren ekintzak azaltzea.

Bezeroei dagokienez, hartzen ari diren neurrien edo hartzen diren erabakien berri ere eman behar zaie.

Oso garrantzitsua da enpatia agertzea. Ziurrenik, ingurune hurbilean kaltetutako pertsonak egongo dira. Lehenik eta behin, gizatasuna erakutsi behar da. Pertsonak gara.

COVID-19k eragindako osasun-krisiaren kasuan, krisi horren hasieran enpresa guztiek jakinarazi behar zuten zer segurtasun-neurri hartzen ari ziren eta neurri horiek nola gauzatuko ziren.

Hizkuntza zehatza eta ulerterraza

Ez du ezertarako balio mezuak eta informazio asko botatzeak, hori ulergarria ez bada.

Kontuan izan behar da, gainera, mezu horiek jasotzen dituzten pertsonak ez direla, ziurrenik, gogo-aldarterik onenean egongo.

Transmititzen den edukia ulerterraza izan dadin saiatu behar da, hizkera erraz, zehatz eta esaldi laburren bidez. Transmititu beharreko mezuen kopuru mugatu bat sortu behar da, eta errepikatu, erredundanteak izan gabe.

Erabakiak hartzeko erantzukizuna

Enpresaren kezka nagusia langileen eta bezeroen segurtasuna eta osasuna dira. Nahiz eta aste hauetan ikusi dugun kasu batzuetan ez dela horrela, ez litzateke zalantzarik geratu behar.

Aldi berean, ekonomiarekin, plangintzarekin, logistikarekin eta jarduerekin lotutako erabakiak hartu beharko dira.

Erabaki horiek funtsezkoak dira markaren ospea lortzeko. Mantendu eta indartu ere egin dezake; baina erabaki txarrek, edo bat bera ere garaiz ez hartzeak, mailarik baxuenetara eraman dezakete.

Ondorioak erabakigarriak izan daitezke: ondo egiteak markaren irudia indartuko du eta langileen konfiantza eta langileen eta bezeroen leialtasuna mantenduko ditu.

Komunikatzeko bideak baliatu

Gaur egun, komunikazio-kanal ugari ditugu. Eta aprobetxatzeko eta ahalik eta etekin handiena ateratzeko unea da.

Posta elektronikoa, webgunea edo sare sozialen profiletak tresna bikainak eta egokiak dira horretarako. Baita WhatsApp edo Telegram bezalako beste batzuk ere.

Gainera, garrantzitsua da langile edo laguntzaile bat baino gehiago gaitzea trakzio-talde bat osatzeko, adi egon dadin komunikazioak bidaltzeko, bezeroen aldetik sor daitezkeen galderei erantzuteko, etab.

Iturri fidagarrien mezuak zabaltzea

Gaininformazioaren aro honetan, albiste faltsuen edo fake news delakoen fenomenoa da aurre egin behar diogun arazoetako bat.

Garrantzitsua da konfiantzazko iturriak hartzea eta mezuak behar bezala zabaltzea. Iturriak egiaztatu behar dira eta partekatzen den informazioa zehatza dela bermatu behar da.

Partekatuko duzu?

Share on facebook
Share on google
Share on twitter
Share on linkedin
Share on pinterest
Share on print
Share on email
Crea una estrategia efectiva para redes sociales en sólo 7 pasos - Amaia Ocerin

Blogean harpidetu zaitez eta nire ebook-a opari bezala jasoko duzu 

Zure markaren sare sozialetarako estrategia nola garatu ikas ezazu 

SORTU SARE SOZIALETARAKO

ESTRATEGIA ERAGINKOR BAT

7 URRATSETAN

Arduraduna: Amaia Ocerin
Helburua: Nire zerbitzuen gaineko gaineko informazioa ematea erabiltzaile bakoitzaren beharren arabera; edukiak helarazi eta hirugarrenen informazioak zabaldu.
Legitimazioa: Egokitzen zaien pertsonen baimena
Hartzaileak: Webgunea ostatatu EBko herrialde batean
Eskubideak: Iristea, zuzentzea edo ezabatzea
Informazio gehigarria: Informazio hau  hemen osatu ahal duzu

Liburuaren Eguna 2021 - Amaia Ocerin
Kultura sarera

Liburuaren Egunean, nirea argitaratu nueneko oroitzapena

Liburuaren Egunean duela urte asko Alberto Muro argazkilariak eta biok argitaratu genuen liburuaz gogoratu naiz.
Bizkaiko baserriaren inguruko azterketa sakona egin genuen, ikuspegi ezberdinak landuz.
Niretzako liburu baten sormen eta produkzioa baino askoz gehiago izan zen eta barruak astindu zizkidan.
Oroitzapen eta sentsazio ederrak. Noizbait hona ekarri beharrekoak…

Irakurtzen jarraitu »

Suscríbete al blog y recibe mi ebook de regalo

Aprende cómo crear una estrategia para tu marca

CREA UNA

ESTRATEGIA EFECTIVA

PARA REDES SOCIALES

EN SÓLO 7 PASOS

Información básica sobre la política de privacidad
Responsable: Amaia Ocerin
Finalidad: ​gestionar el alta a esta suscripción y remitir boletines periódicos con información y oferta prospectiva de productos o servicios propios y de terceros afiliados.
Legitimación: Consentimiento del interesado/a
Destinatarios: Hosting de la web en país de la UE
Derechos: Acceso, rectificación o cancelación
Información adicional: Puedes completar esta información en la página de política de privacidad.