contenidos de calidad - Amaia Ocerin

Funtsezko hiru gai kalitatezko edukiei buruz

Edukiak bai, baina kalitatezkoak. Ez du ezertarako balio ekoizteak, oinarrizko hainbat gai kontuan ez badituzu.

Interneten ez bazaude, ez zara existitzen.

Denbora asko darama airean, baina gero eta zentzu handiagoa dauka. Izan ere, erantzunak behar ditugun momentuan, egiten dugun lehenengo gauza Googleri galdetzea da.

Hori, edozein erabiltzailerentzat abantaila izan arren, eragozpena izan daiteke eduki sortzaile edota enpresentzat, denbora gutxian artikulu gehiegi sortzeko joera baitute, pertsona gehiagorengana iristeko asmoz.

Azkenean, artikulu horiek ez dute kalitatezko edukirik, osatu barik daudelako, beste webguneetatik zuzenean kopiatuta daudelako, edota zuzena ez den informazioa eskaintzen dutelako. Ondorioz, Googlek penalizatu egiten ditu.

Modu horretan, SEOa erori eta webgunearen ospeak lurra joko du, erabiltzaileen engagement-a galduz eta lehiakortasunari mesede eginez.

Modu azkar eta laburtuan azalduta, hauxe da emaitza. Kontua ez da edukia webgunean orrialdeak betetzeko sortzea, beste barik, edo blogean artikulu asko izateko. Kontua ez da betetze hutsa, ezta besteek egiten duten gauza bera egitea.

Zertan datza, orduan, edukien kontu hori? Googlek kasu apur bat egitea eta zure webgunea kokatzea faktore askoren menpe dago. Artikulu honetan, funtsezkoak iruditzen zaizkidan hiru gai azalduko dizkizut.

Horietatik abiatuta, jarrai dezakegu gai honi buruz hitz egiten egunak eta egunak.

Baina hauexek dira oinarrizko hiruak; zure webgunean orrialde edo artikulu berri bat sortu nahi duzunean buruan izan behar dituzun hiru helburuak.

Kalitatezko edukiak sortzeko hiru gakoak

Googleren oniritzia izango duten eta emaitzen orrialdeko lehen postuetan mantenduko diren edukiak sortzeko gako asko daude.

Gaur, nagusitzat jotzen ditudan hiru horietaz hitz egin nahi dizut.

1. Balioa eman

Balioa ematea oso erlatiboa izan daiteke, eta, beraz, ez dago inolako formularik horretarako.

Pentsa ezazu zure merkatu-hobian eta zure bezeroek izan ohi dituzten zalantzetan, eta saia zaitez horiek ahalik eta modurik onenean konpontzen. Nork irakurriko dizu? Norengana heldu nahi duzu? Bada, beraiek espero dutena idatzi; behar bati erantzuna eman, kezka bati; ideiak eman; zerbait eskaini.

Ez du axola artikulua luzea edo laburra bada, lortu behar duzu irakurleek beraien zalantzak argitzea zure testua irakurri ostean.

Horrez gain, eduki egutegi bat egin, eta formatu egokia erabili.

Blogak kontsultatu ohi badituzte, artikulu hori testu formatuan sortu, baina bideoak nahiago badituzte edo denbora gutxi badute eta audio-kontsumitzaile handiak badira, YouTubeko kanal bat, bideoblog bat edo podcast bat izan daitezke aukerarik onenak.

Hortaz, planifikazioa, hedatu nahi dituzun mezu eta gaien aukeraketa egokia, eta ezarritako egutegia errespetatzea.

Plangintza zuzena eginez gero, aukera gehiago izango dituzu sortutako edukia kalitatezkoa izan dadin.

2. SEO posizionamendua zaindu

Egia da, Googleri begira, erabiltzaileentzako kalitatezko eduki bat funtsezkoa dela, baina ez da hori webgune bat kokatzeko orduan kontuan hartzen duen gauza bakarra.

Googlerako idaztera ere behartuta zaude. Zure edukia ikusgarri egitera.

Horretarako, gako-hitz egokiak aukeratu beharko dituzu, eta estrategikoki kokatu puntu garrantzitsuenetan: izenburua, azpitituluak, lehen eta azken paragrafoa, izenburua, eta deskribapena.

Hitz zuzenak aukeratzen badituzu eta zure testuan behar bezala kokatzen badituzu, zure jarrera hobea izango da eta, ondorioz, irakurle gehiago izango dituzu.

3. Erabiltzaileengan eragina sortu

Zure irakurleekin enpatizatu eta zutaz gogoratzea lortu behar duzu.

Haiei zuzenean hitz egiten diezula sentiarazteko moduko kalitatezko edukiak sortzen badituzu, haien top of mind horretan kokatuko zaituzte. Hau da, zure nitxoan pentsatzen dutenean, zu edo zure enpresa izango da burura etorriko zaien lehenengo gauza.

Modu horretan, engagement handiagoa lortuko duzu, baita interakzio handiagoa ere. Horrek zure ospea gero eta handiagoa izatea eta egunez egun sinesgarritasun handiagoa izatea eragingo du.

Azken batean, kalitatezko edukiak funtsezkoak dira edozein profesional edo enpresarentzat.

Landu hiru gako horiek zure artikuluetan, eta ahalegin handirik egin gabe lortu ahal izango duzu.

Partekatuko duzu?

Share on facebook
Share on google
Share on twitter
Share on linkedin
Share on pinterest
Share on print
Share on email
Crea una estrategia efectiva para redes sociales en sólo 7 pasos - Amaia Ocerin

Blogean harpidetu zaitez eta nire ebook-a opari bezala jasoko duzu 

Zure markaren sare sozialetarako estrategia nola garatu ikas ezazu 

SORTU SARE SOZIALETARAKO

ESTRATEGIA ERAGINKOR BAT

7 URRATSETAN

Arduraduna: Amaia Ocerin
Helburua: Nire zerbitzuen gaineko gaineko informazioa ematea erabiltzaile bakoitzaren beharren arabera; edukiak helarazi eta hirugarrenen informazioak zabaldu.
Legitimazioa: Egokitzen zaien pertsonen baimena
Hartzaileak: Webgunea ostatatu EBko herrialde batean
Eskubideak: Iristea, zuzentzea edo ezabatzea
Informazio gehigarria: Informazio hau  hemen osatu ahal duzu

Eraldaketa digitala - Amaia Ocerin
Marketin digitala

Zure jarduera erori bada, bultzatu digitala

Blog honen helburua pertsonei komunikazio- eta marketin-lanetan laguntzea da. Eta hala izaten jarraituko du, orain inoiz baino gehiago nirekin konta dezakezulako.
Galdetu, kontsultatu, behar duzunari buruzko laguntza edo aholkua eskatu. Nik lagunduko dizut.

Irakurtzen jarraitu »

Suscríbete al blog y recibe mi ebook de regalo

Aprende cómo crear una estrategia para tu marca

CREA UNA

ESTRATEGIA EFECTIVA

PARA REDES SOCIALES

EN SÓLO 7 PASOS

Información básica sobre la política de privacidad
Responsable: Amaia Ocerin
Finalidad: ​gestionar el alta a esta suscripción y remitir boletines periódicos con información y oferta prospectiva de productos o servicios propios y de terceros afiliados.
Legitimación: Consentimiento del interesado/a
Destinatarios: Hosting de la web en país de la UE
Derechos: Acceso, rectificación o cancelación
Información adicional: Puedes completar esta información en la página de política de privacidad.